Como veian los clasicos a los ástures

Descripciones de los astures: 

"Tolos montañeses son sobrios, beben augua, duermen nel suelu y dexen les sos pelos llarguos y sueltos segón la costume de les sos muyeres, anque cuando combaten ciñen la frente con una banda. Comen principalmente carne de cabrón; a Ares sacrifiquen cabrones, y tamién cautivos y caballos; suelen facer hecatombes de cada especie de víctima, al usu grieguRealicen competiciones de tipu ximnásticu, militares y carreres de caballos, con puxilatos, carreres y combates tantu de guerrilles como en formación de manípulos. Los montañeses alimenten-se con llandes dos partes del añu, dexánles secar y trituránles; llueu les muelen y faen la boroña con elles pa conservalla llargu tiempu. Tamién beben cerveza "zythos ". El vinu, ensin embargu, ye escasu y cuando lu consiguen, consúmenllo nes folixes coles sos families. En llugar d’aceite usen mantega. Comen sentaos en poyetes construidos alredor de les muries y guardando sitios d’alcuerdu cola edá y posición social. La comida sirve-s’en corru, de man en man y mientres beben baillen al son de la flauta y trompeta en corru y tamién blincando y en cuclilles. En Bastetania, les muyeres dancen mezclaes colos homes xuntando les sos manes. Toos visten en xeneral de prietu, con sayes coles que s’acuesten sobre cames de paya. Utilicen vasos de madera como los keltoi. Les muyeres lleven enagües y vistíos bordaos de flores. En llugar de moneda, los que viven nos rincones más separtaos usen el troque de mercancíes o dan llámines de plata tarazaes. Valtien a los condenaos a la pena capital y a los parricides yos llapiden fuera de les sos llindes o ciudaes. Casen-se como los griegos. A los enfermos, tal como facíen los egipcios na antigüedá, sáquenllos al camín pa que soliciten conseyu sobre la so enfermedá a aquellos qu’esperimentáronlla. Utilizaben barcos de cueru fasta l’ época de Bruto peles lluvies y la llamuerga y incluso aínda son raros los fechos d’ un solu tueru d’árbol. Les sos piedres de sal tan bermeyes, anque machacaes tornen blanques. Asina ye la vida de los montañeses, como dixi; refiero-m’a los que tán situados nel llau setentrional de l’Iberia, los galaicos, ástures y cántabros fasta los vascones y el Pirinéu, yá que ye asemeyáu’l xéneru del vidal de toos ellos."

Segón la "xeografía " d’Estrabón.

"Equí hai un puelu de gran puxu, d’ánimu llevantáu, d’eficaz habilidá, dominando a toos la pasión pel comerciu; con barques de pelleyos cosíes suquen gayoleramente’l turbiu mar y l’abismu del Océanu enlleno monstruos; pos ellos nun supieron construir les sos ñaves con madera de pinu nin de carrascu, nin tampoucu col abet, curvaben les sos barques como ye costume ensinon que, cousa digna d’almiración, siempre construyíen les ñaves con pelleyos xunidos, recorriendo con frecuencia sobre tal cueru’l bastu mar".

Ora marítima, Avieno.

"N’Occidente, cuasi toa Hispania taba pacificada esceuto la que baña l’Océanu Citerior y toca a les montañes de l’estremidá del Pirinéu. Equí s’axitaben dos puelos mui fuertes aínda nun sometíos, los cántabros y los astures".

Floro

 "Nel añu 726 de la fundación de Roma, siendo cónsules l’emperador Augusto per sesta vegada y Marco Agripa per segunda vegada, entendiendo qu’a pouca cousa reducía-se lo fechu n’Hispania dúrante doscientos años si permitía que los cántabros y los astures, los dos puelos más fuertes d’Hispania, se portasen al so albedríu, abrió les puertes del templu de Xanu y salió en presona con un exércitu p’Hispania".

Orosio

"Los ástures, per esti tiempu, descendieron con un gran exércitu de les sos peñes ñevaes. y nun yera a ciegues qu’aquellos bárbaros emprendíen l’ataque, ensino que, poniendo’l so campamentu xunto al ríu Astura, dixebrando l’exércitu en tres columnes, preparaben-se p’atacar a un mesmu tiempu los tres campamentos romanos. Y sedría una griesca cruenta y duldosa (…) de nun ser pela traición de los brigeginos qu’avisaron a Carisio esti actuó col so exércitu (…) La poderosa ciudá de Lancia acoxó los restos del exércitu en derrota y se lluchó nella tan encarnizadamente que, cuando tomada la ciudá los soldados reclamaben que se-y pegase fueu, a dures penes pudo consiguir el xeneral que la perdonase pa que, quedando en pie, fuese meyor monumentu pa la victoria romana qu’incendiada".

Floro.

"A los condenaos a muerte valtien-yos y a los parricidas llapiden-yos más allá les montañes o los ríos. Casen-s’igual que los griegos. A los enfermos, como antiguamente facien los egipcios, esponen-yos nos caminos pa que los que paecieron den-yos conseyos sobre la so enfermedá".

Xeografía. III, 3, 7.

"Colos cántabros s’enllacen los veintidós puelos de los ástures, dixebraos n’augustanos y transmontanos"

Hestoria Ñatural III, 28. Plinio.

– Otras citas donde se menciona a los ástures

 

Punica, III, 338-339

"Cydnus agit, iuga Pyrenes venatibus acer Metari iaculove extendere proelia Mauro."

Lleva (l’ástur) Cydno, endurecíu pela caza na cordillera pirenaica, aumentando’l combate con la so xabalina gala o’l so dardu moru.

LUCIUS ANNAEUS FLORUS

Epitomae, II, 33, 46

"Sub occasu pacata erat fere omnis Hispania, nisi quam Pyrenaci desinentis scopulis inhaerentem citerior adluebat Oceanus. Hic duac validissimae gentes, Cantabri et Astures, inmunes imperii agitabant."

N’Uccidente pacifico-se cuasi toa Hispania, fuera de la parte pegada a la falda del Pirineo y bañada pola parte acá del océanu. Vivíen ellí independientes de nueso imperiu dos puelos mui poderosos: los cántabros y los ástures.

CLAUDIUS CLAUDIANUS

Larus Serenae, 72-82

XXVII

"…Callaecia risit floribus, et roseis formosus Duria ripis, Vellera puepureo passim mutavit ovili. Cantaber Oceanus vicino littore gemmas exspuit: effosis nec pallidus Astur oberrat montibus: oblatum sacris natalibus aurum vulgo vena vomit: Pyrenaisque sub atris Ignea fluminae legere ceraunia Nymphae."

Callaecia sonrió coles sos flores, y el fermosu Duria coles sos orielles enllenes roses. Los vellones les oveyes totalmente tiñíos de púrpura. L’océanu cántabru arroxó a la playa les sos perles; nin el pálidu astur se dexa perder peles galeríes de les mines, que vomiten asgaya l’oru ofrecíu pal sagráu nataliciu; y nes cueves de los Pyrineos les ninfes fluviales llerón presaxos nos cuetos de fueu.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Anuncios
Esta entrada fue publicada en Asturias. Guarda el enlace permanente.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s