” DE Cuentos Perreros”: HAY QUE VIVIR

 
 
HAY QUE VIVIR.  ( De; Cuentos Perreros )
 
 
Autor: D. Carlos de la Concha

Pasé la noche en un gritu
Pol amor de esti cadril,
Que non paez más q´un perru
Me taba mordiendo aquí
En salva sea la parte,
Métanos como quien diz.
En una…bueno, perdonen
Que non lo pueda decir.
Pos señor, allevantame
Y como pudi salí
Pa casa del ceruxanu
Que vive cerca de min…
Recibióme muy atentu;
¡Nunca tantu chisme vi
Como hay en aquel despachu!
¡Mal añu! ¡Cuántu chismín!
Fíxome munches preguntes,
Traxome d´aqui p´allí,
Apalpome cuantu quixo.
Tentau estubi a decíi:
<<Señor, non me toque tantu
Que non soy delgún violín.>>
Quedó el hombre pensatible
Y despues de un cachu así
Dixo: <<Ya sé lo que tienes>>
Y agarró con qué escribir
Punxo cuatro garabatos,
Yo feguro que en llatín
Y aunque remellé los güellos
Malhaya lo que entendí.
Apurriome la receta
Y dispues díxome: Pin,
Toma de esto venti gotes
Cuando vayas a dormir…
-¿ Cuántu, señor?-Son dos "duros".
La mano al bolsu metí
Y apurríi cuarenta riales
Y dixe pa escontra min:
<<Anque me abulta bastante..
¡El hombre tien que vivir !>>
Pos señor, fuí a la botica
Y salió col so mandil
Tan parcial y tan parleru
Como siempre, don Juaquín
Apurríi el papeluco,
Desdoblómelu en un tris,
Dispués calóse les gafes
A caballu na ñariz
Cogió un frascu, echói un pocu
De un pote muy pequeñin,
Cogió polvos de otru tarru,
Pasólos por por un tamiz,
Echó gotes de otru frascu
Puso todo en un pesín
Que tien guardao entre vidrios
Como si juera el Viril,
Echólo todo en el frascu,
Revolviólo un poquiñín,
Diói un par de solmenones,
Envolviói un papelín
Y apurriómelo diciendo:
<<Dos duros por ser para ti>>…
Apurríi dos machacantes
Y dixe pa escontra mín:
<<Aunque bien caro me abulta…
¡El hombre tien que vivir !>>.
Fuí pa casa, llamé a Pepa
La mió muyer pa decíi
Lo que dixo el ceruxanu
Que tenía nel cadril:
Una cosa como enfática,
Que vien a ser algo así
Como cuerda acabalgada,
Montada sobre el pernil;
Enseñéi la melecina
No se me ocurrió decíi
Los cuartos que había costao.
¡Pa qué i lo diba a decir!
Estubi rumiando un piazu
Pensando pa escontra min…
Enseguida cogí el frascu,
Y después que lu cogí
Eché cuenta de les perres
Que me costó, pero al fin
Saqué juerces de flaqueces,
Salí al portal, y ya allí
Atravesé la corrada
Y vertílu na cubil,
Porque acordéme que yo…
¡Tamién tengo que vivir !

Anuncios
Esta entrada fue publicada en Cuentos de Asturias ( Comenzando por los " Perreros" ). Guarda el enlace permanente.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s