TAMOS COMO”EL COXU LA MIYAR”(Cuentos Perreros )

 
 
 
TAMOS COMO " EL COXU LA MIYAR"

 
De: " Cuentos Perreros "
Autor: D. Carlos de la Concha

Corre de antiguo en mi pueblu
Un dicho que tú oirás
En cuanto hables con dalgún
De esta villa o la rodiá.
Si preguntes a un julanu
Cuando luquies saludar
Y sabes como se afaya,
¡Hola chachu! ¿Cómo vas?
Si marcha bien, de seguida
Lu vas a oir contestar:
Marchu muy bien porque toy
Como el "Coxu la Miyar"…
Si entames cualquier nagociu
Pa facer un capital,
O busques ganar les perres
Con un choyín por demás;
Que faces muy buena boda,
Con moza rica y formal;
Que te cai la Lotería;
Que sale bien el rapaz
En fin, que marches de frente.
Si te van a preguntar
Po la salú, pol negociu
O por otra cosa igual
Tú contestes: ¡Marcho al pelo!,
Como el Coxu la Miyar…
¿ De dónde salió esti dichu?
Quíselo yo averiguar
Y contáronmelo un día
Que estuvi yo en´a Miyar
Pol amor de unes fincuques
Que i tocaron al rapaz
de la herencia de mio suegra
Que yera de pancia allá…
Pos veraste: aquesti coxu,
(Como todos los que están
Señalaos po la mano
De Dios que siempre mos da
Co les gracies y los dones
Algún enquiz que arrascar
Pa que no nos olvidemos
Que nel mundu non se está
Solamente a les madures
Que a les verdes hay que estar),
A esti diói una postema
Salvo la parte, hacia atrás
Porque como era buen mozu
Y era ricu y muy parcial
Era justo que tuviera
Dalgún picor que arrascar;
Lo cierto jué que col tiempu
Foi encrespándose el mal
Y el mociquín quedo coxu
Del tou por siempre jamás.
Nada valió andar de mélicos
Corriendo de acá pa allá
Nin facéi operaciones
Nin revolcalu con cal
O con yelsu, ni estar quietu
En´a cama un añu o más
Porque despues que gastaron
Cuantu pudieron gastar
El probe fíu quedó coxu
Pa toda la eternidá…
Despues morrieron los padres,
Y cosa muy natural,
Mozu, coxu, consentíu,
Caprichosu, charlatán,
Muy graciosu y platiqueru
Y muy guapu y muy parcial,
(Que Dios a toos los tullidos
En prueba de su bandá
Daios buen humor y gracia
Como queriendo pagar
Les desgracies del so cuerpo
Con otres gracies que da).
…………………………………..
Vivía esti probe coxu
Con una tía carnal
Que anque non yera muy rica
Tenía muy buen pasar.
Y recogió aquel sobrín,
Púnxulu pronto a estudiar
De cuentes y de otres coses,
Pos trabayar non podrá,
Pa que ganase la vida
Sin vivir de folganzán,
Nin pedir una limosna
Nin pasalo el probe mal.
Cuando se vió el mozu libre
Esnaló como un reitán,
Fíxose el mozu un viciosu,
Diose a beber y a xugar,
Y como era tan melgueru,
Tan alegre y tan galán,
Andaba siempre de juerga
Sin pensar en estudiar,
Y abusaba de so tía
Comiéndoi un capital
Y metiéndoi mil caroques,
Porque pensaba el rapaz
Que los cuartos de so tía
Non se diben a acabar…
La tía anque era muy güena
Yera también muy capaz,
Y farta de amenazalu
Mandólu un día a llamar
Y díxoi muy seriamente
Que si non yera formal
Y non cambiaba de vida
Lu diba a deseredar…
Pero el coxu non cambió,
Porque ya diz el refrán:
"Non me compres mula coxa
Creyendo que va a sanar,
Que si la sana te acoxa
Más la coxa acoxará."
Y así, el Coxu siguió coxu
Y acoxo cada vez más…
Un día escribiói la tía
Una carta muy formal
Que decía más o menos:
"Ya que non quieres cambiar
Desde ahora te lo digo
Non cuentes con to tía más.
Pa mí acabasti de afechu
desde hoy pa siempre jamás".
Apenose el probe coxu
Que al fin non ye mal rapaz,
Y pensaba que so tía
Igual que lo diz lo fai,
Y si non tien testamentu
Presume que sea capaz
De repartilo por vida
Y pa él no dexar na…
Pensó cambiar de conduta,
No andar de folixia más,
Daios de codu a les moces,
Y ser un hombre formal
Pero ¡ay hombre! Que los vicios
Lo mismo que la humedá
Cálennos hasta los güesos
Y non se pueden dexar.
Y aquel que non tuvo juerces
Pa non dexalos entrar
Ya puede dase por muertu
Poque bien perdíu está…
Y así paso; el probe coxu,
Non se pudo encarrilar
Y anque quixo enderezase
Ya non lo pudo algamar.
Siguió metíu en jaranes
Fundiose en un barrizal
Y cuando con más descuidu
Gozaba en so libertá
Recibe un día el avisu
Que so tía está muy mal…
Cayó entonces en la cuenta,
Y escomenzó a cavilar
Con el gran remordimientu
Porque con todo además
Empezaba a coscomelu
Y a mordelu, el sospechar
Si habria fecho testamentu
A favor del Capellán
Pa que lo dixera en mises
Po los probes del llugar
O pa cualquier obra güena,
Pa un Asilu, un Hespital.
Al pronto el mozu resuelve
Y escapase pa allá
Y facer que lu perdone
Antes que muera, y na más
Porque siendo el herederu
Que más cerca d´ella está
Si non facía testamentu
A él tenía que pasar
La riqueza de so tía,
Y echó a correr pancia´allá.
Pidió en Carda una pollina
Y allegó en burru al llugar
De la Miyar y al momentu
Apeóse en el portal
De la casa de so tía
Y al pronto sintió abajar
Un hombre po la escalera;
Yera Xico el sacristán.
-¿Xico, cómo está mió tía?
-Pos acaba de expirar.
Pero home.¿morrió de afechu?
-Morrió del todo, rapaz;
Pero ten resinación
Poque fué bien prepará-
-¿Morrió con conocimientu?
-non lo sé, non pudo hablar.
-¿Y non fexo testamentu?
-Non acabó de llegar
El notariu de Xixón.
-Pos entós no hay más que hablar,
Que los cuartos del caxón
A mi vienen a parar
Y marchamos de ……pistón


Anuncios
Esta entrada fue publicada en Cuentos de Asturias ( Comenzando por los " Perreros" ). Guarda el enlace permanente.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s