UN BUEN GOLPE ( de “Cuentos Perreros” )

 
 
 
UN BUEN GOLPE
 
Autor D. Carlos de la Concha, ( CUENTOS PERREROS

Y era Don Ramón Madiedo
Que en la paz del Señor goce
(Pos fai tiempu que morrió)
Un perfeutu sacerdote
Qu´estuvo más de trent´años
En´a Parroquia de Oles…
Tenía muy buene letra
Casi mejor que de molde
Y gustábai enseñar
Con aficiones de Dómine.
Vivía con estrecheces,
Pos la parroquia ye probe
Y sale pocu a pitances
Porque tá muy vieyu el hombre.
Tien consigo pol veranu
A pasar les vacaciones
Al su sobrín Eluterio
Quie da baños en Tazones;
Pasa el día por allá
Pero en cuantu el sol se esconde
Ya tien que venir pa casa
A repasar les licciones;
Porque al tíu gústai cenar
Al tocar les oraciones,
Y llevántase col día
Y retírase al ser noche;
Y así tien que suceder,
Porque él come a les doce
Un platu de fabes pintes
Exñalando unes tras otres,
Y una tayada de quesu
D´afuega el pitu de postre;
Y que toma por la tardi
Un chocolatín al trote,
Sin tostaes de mantega
Nin churros ni picatostes,
En cuantes que dan las siete
Ya escomiencen los ratones
A correr po la masera
Del cuerpu corre que corre…
Van a facéi compañia
Al so sobrín unos jóvenes
Que vienen toos los veranos
A dar baños a Tazones
Desde la Virgen del Carmen
Hasta después de San Roque.
Son Colás de les Caleyes
El que más tarde jué Conde
Ramonín el de Llozana
Tan amigu de les bromes,
Y el célebre Carlos Ciaño
Que anque ye daqué más joven
Non desperdicia ocasión
De axuntase a los mayores.
Ellos van a divertise,
Pero abúrrense como ostres,
Porque el buen señor aquel
Tien tanrares aficiones
Que sácalos toos los días
Del armario unos librotes
Y con el mismu tonillu
Que predica los sermones
Ponse a leer con gran calma
Unes coses muy latoses.
¡ Menos mal si ios leyera
El Lazarillu de Tormes,
O la Diana Cazadora
O el Robinsón o el Quijote!
Pero ¡quia! tienen que ser
Les comedies de Aristófanes
Los Diálogos de Platón
O les Trajedies de Sófocles.
Y ¡claro! a aquellos rapazos
Abúrrenyos eses coses.
Ellos quisieren que el Cura
Se rindiera al sueñu; entonces
Saliendo muy despacín
Podín escapase a moces
A San Martín o a Liñeru,
A la Atalaña, a Tazones;
Podín entrar con dalguno
En aquelles reuniones
De casa de la Mandona
Donde improvisaben coples
Con cantares y aleluyes
A les vieyes y a les moces.
Pero ¡amigu! el señor Cura
No está por eses llabores
Y entusiasmado leyendo
Unes comedies tras otres
Y con el mismu tonillu,
Hasta que suenen las once.
Llévantase la tertulia,
Enciéndense los faroles
Y cada cual pa su casa
Dándose les buenes noches.
Salín toos abociando
De aburrimientu los probes…
Todu el camín lu pasaron
faciendo combinaciones
Y estudiando martingales
Pa escapase alguna noche.
Llegaron al día siguiente
Y ya tenía el probe Dómine
Sobre la mesa apartada
Una comedia de Sófocles;
Escomenzó la letura
Y enseguida desatóse
Colás a dar cabezaes,
Y al pocu tiempu durmióse
El mociquín, Carlos Ciaño,
Y Ramonín de otru golpe…
Si pasaron diez menutos
Non perllegaron a doce.
Cuando toos cuatro estaben
Durmiendo como marmotes.
Fexo una pausa el buen Cura,
En sillón arrellenóse,
Y arremellando los güeyos
Como si viera al Demontre
Dixo con la so cachaza:
"¡Vaya! esta xente durmióse"
Siente el cura que les tripes
Se i revuelven y alboroten,
Y ye que andaben les fabes
Reblincando unes tras otres…
Aflojóse el centurión,
Dióse algunes flotaciones,
Y después desta llabor
Sintió unes ganes atroces
De dar libertá a un cautivu
Que pedia salir.Entonces,
Al ver que estaben durmiendo,
El buen Cura ¡desfogóse!
Fixoi el presu traición
Porque salió dando voces…
Levantaron la cabeza
Los cuatro mozos de un golpe
Como si algún ios hubiera
Tirao por un resorte…
Y Ramonín que entre todos
Fué siempre el más Iscariote
Dixoi así con gran sorna:
"¡Señor Cura, por San Roque!,
Repítanos esi párrafu
Qué´l final ¡entusiasmome!"

Autor D. Carlos de la Concha, ( CUENTOS PERREROS

Anuncios
Esta entrada fue publicada en Cuentos de Asturias ( Comenzando por los " Perreros" ). Guarda el enlace permanente.

Una respuesta a UN BUEN GOLPE ( de “Cuentos Perreros” )

  1. mimosina dijo:

    HooolaaaaaYa estoy informatizda otra vez¡¡¡¡ Al fin, recupere la conexión….Bueno, besinos que voy a ver que hay por aki pa poneme al día,,,,jejejee.Muakkkkkkksssssss pa mi "reina"

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s