¡ Pa freite !! De ” Cuentos perreros”

¡ PA FREITE !
 
Autor don Carlos de la Concha, del libro . CUENTOS PERREROS.

Yera Victor botixer
El chanceru más terrible,
Más graciosu y más " perreru "
Que hay de Xixón a Cavite,
De Candás a Guatemala
Y de Uvieu a san Felipe
( Non san Felipe el apóstol
Sinon unu que hay en Chile).
Tenía un tayller de xastre
Muy cerca de les Carises
Y allí diben los señores
A charlar y divertise
Porque ¡ tenía cada golpe !
¡Y contaba cada chiste !
Que anque estubieses morriendo
Acababes por reíte…
¡Había que oílu xiblar!:
Lo mismo que los malvises,
Y hechar requiebros y flores
A les chavales de a quince
Cuando pasaben pa el cañu,
O baxaben de les mises…
¡Lástima jué que morriera
Aquel añu de la gripe
Que i llamaron "mal de moda"!
Que hubo moda pa morise.
Y hasta pa dir al infiernu
Hay modes.¡Non se te olvide!…
El mundu tou recorrió
Aquel añu la tal gripe
Y decín que era española
Los franceses.¡Hay que riíse!
Pos verás ,voy a cuntate
Porque tien bastante chiste
Lo que i sucedió una tarde
Que jué por hacia Sorribes
A pescar, porque había oido
Que anda una trucha ¡ terrible !
Desde "l puente les Gbarres
Al pozu de los Clarines".
Pos señor, quella tardi
En cuantes que se vió libre
Y dexó listu un chaleco,
Dos capotes o pellices,
Que i traxeron fai dos meses
Del cuartel de los ceviles,
Dió suelta a les oficiales
Y marchó sin despedise.
Como alma que lleva el diablu,
Pasó de llargo pol chigre
De María el Tatu, de Amancio,
Pol llagar de Botellines,
¡Y esu que tenia secañu,
Y que i sabe bien la sidre!…
Llevaba caña y varuchu,
El bote de les esguiles,
La lata de la xagorra,
Y unes tripes de sardines;
Y con estos artefactos
Atravesó les Heríes,
Y fué por la Barquerina
Hasta el pozu les Clarines.
Fartucose de calar
Pol medio y po les orilles
Con mosca, con merucada,
Con xagorra y con sardines
Y esperó más de dos hores
Sin ver el corcho fundise.
¡Qué la trucha "ye muy trucha"
Con un sacu de malicies,
Y sabe más que Merlín
Y que todos los Merlines!
Ya estaba el hombre pensando,
En llevantase pa dise
Cuando siente un
Y unos tirones tan firmes
Como si hebiesen picao
Dos docenes de llovines.
Fué cobrando despacín
Y al ver que la caña cimble
Y que ya está fecha un arcu
A peligru de partise,
Con recelu y gran temor
Que la trucha pueda dise
"¡Ye la trucha! ¡Ye la trucha!"
Entusiasmado repite,
Y dice fuera de si:
"Pa les ánimes bendites
Doy un cuarterón de aceite
Pa allumbrar en´es Clarises!"
………………………………….
Ya tien la trucha en les manos,
Y al ver que non ye posible
Que se i escape la pieza,
Sin dexar de sonreíse
Diz: El cuarterón de aceite
Voy gastalu…¡pa freíte!

Anuncios
Esta entrada fue publicada en Cuentos de Asturias ( Comenzando por los " Perreros" ). Guarda el enlace permanente.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s